Կոռուպցիայի ծավալների մասին ամենօրյա տեղեկությունները շոկի մեջ են գցում ՀՀ վարչապետ Նիկոլ Փաշինյանին: Այս մասին վարչապետը հայտարարեց երեկ՝ հուլիսի 20-ին, տեղի ունեցած մամուլի ասուլիսի ժամանակ:
Իր խոսքում Փաշինյանը նշեց, որ մինչև վարչապետ լինելն ինքն ամենաշատն է քննադատել կոռուպցիան, սակայն նույնիսկ ինքը չի կարողացել պատկերացնել դրա իրական ծավալները, ինչը բոլորի երևակայությունից անդին է:
Վարչապետի պնդմամբ, կոռուպցիայի մասին իր նույնիսկ ամենասուր քննադատությունները շատ փոքր են դրա իրական ծավալների հետ համեմատած:
Փաշինյանը հայտարարեց, որ ամեն օր իրեն նոր թվեր են ներկայացնում, և երբեմն ինքն այլևս չի դիմանում և որոշում է կայացնում այդ օրն այլևս չլսել դրանց մասին՝ նախընտրելով մնացած ինֆորմացիան իմանալ ավելի ուշ:
ՀՀ վարչապետը նաև ընդգծեց, որ իրավապահ մարմիններն ամենօրյա ռեժիմով շարունակում են կոռուպցիան բացահայտելով: