«Գալակտիկայի պահապանները» ֆիլմի երկու մասերը նկարահանած ռեժիսոր Ջեյմս Գաննը հեռացվել է 10 տարի առաջ Թվիթերում արված վիրավորական գրառումների համար: Այս մասին հայտնում է The Hollywood Reporter-ը:
Նշվում է, որ Disney-ը որոշել է խզել պայմանագիրը ռեժիսորի հետ այն բանից հետո, երբ The Daily Caller-ը հիշեցրել է վերջինիս գրառումները մանկապղծության, ահաբեկչության և բռնաբարության մասին:
Մեկնաբանելով իր գրառումները՝ Գաննը հայտարարել է, որ 10 տարի առաջ իրեն տեսնում էր սադրիչի դերում ինչպես կինոյի աշխարհում, այնպես էլ դրանից դուրս, իսկ հիմա այլ մարդ է: Ռեժիսորը ներողություն է խնդրել նրանցից, ում վիրավորել է իր գրառումներով՝ դրանք անվանելով հիմար և անտեղի: