Գերմանացիների մեծ մասն ավելի շատ վստահում են Ֆրանսիայի նախագահ Էմանուել Մակրոնին, քանի՝ կանցլեր Անգելա Մերկելին: Այս մասին վկայում են հանրային կարծիքի Emnid ինստիտուտի հրապարակած տվյալները:
Հարցման արդյունքների համաձայն, Մակրոնին վստահում են գերմանացիների 55 տոկոս: Ինչ վերաբերում է Մերկելին, ապա նրա դեպքում ցուցանիշը կազմում է 51 տոկոս: Մակրոնի դեպքում հակառակ կարծիքն ունեն գերմանացիների 30 տոկոսը, Մերկելի՝ 45 տոկոսը:
Արտասահմանյան առաջնորդներից ամենաքիչը գերմանացիները վստահում են Թուրքիայի նախագահ Ռեջեփ Թայիփ Էրդողանին: Գերմանացիների 92 տոկոսի կարծիքով նա անվստահելի է: