Երևանի պետական, Հայաստանի ամերիկյան և Ռուս-հայկական համալսարանների մի խումբ ուսանողներ շուրջ երկու ամիս կամավորական աշխատանք են իրականացնում ՀՀ կրթության և գիտության նախարարությունում:
Այսօր կամավորների հետ հանդիպել է նախարար Արայիկ Հարությունյանը: Նրա խոսքով՝ քանի որ վերջին շրջանում կրկնապատկվել է քաղաքացիների դիմումների հոսքը, հետևաբար մարդկային հավելյալ ռեսուրսի անհրաժեշտություն է առաջացել: Արայիկ Հարությունյանը նշել է, որ կամավորների աշխատանքը շատ օգտակար և անհրաժեշտ է նախարարության համար՝ միաժամանակ հետաքրքվելով, թե ինչպես կարելի է հետագայում բարելավել այդ աշխատանքը:
Ուսանողները նախարարին տեղեկացրել են, որ հիմնականում ներգրավված են փաստաթղթաշրջանառության, թարգմանությունների ապահովման, տարբեր հետազոտությունների իրականացման աշխատանքներում:
