Ադրբեջանում ձերբակալել են դիջեյին, ով հայկական երաժշտություն է միացրել հանգստացողների համար: Այս մասին հայտնում է Yenicag-ը:
Միջադեպը տեղի է ունեցել Նաբրանում գտնվող Մալիբու հանգստի կենտրոնում: Այն բանից հետո, երբ քաղաքացիները լսել են հայկական երաժշտությունը, դիմել են իրավապահ մարմիններին, ովքեր էլ շատ արագ ժամանել են կենտրոն և ձերբակալել դիջեյին:
Հարկ է նշել, որ կենտրոն ժամանած իրավապահները փորձել են ստիպել դիջեյին անջատել երաժշտությունը, սակայն վերջինս դիմադրել է, ինչի արդյունքում էլ տեղի է ունեցել ձերբակալությունը:
Երիտասարդը ձերբակալվել է 10 օր ժամկետով:
