«Ժամանակ» թերթը գրում է. «ԱԺ ՀՀԿ խմբակցության պատգամավոր Ալիկ Սարգսյանը մտադիր չէ արտահերթ ընտրություններից հետո շարունակել իր գործունեությունը ԱԺ-ում. «Տարիքս 60-ն անց է, որևիցե պաշտոնի չեմ ձգտում... հոգնել եմ ամեն ինչից, տրամադրված չեմ ԱԺ-ում գործունեությունս շարունակելու»:
Հարցին, թե ինչն է պատգամավորին պահում ՀՀԿ-ում, նշեց. «Երբ նավը խորտակվում է, համապատասխան կենդանիները լքում են նավը: Ես շատ զգուշավոր եմ, որ չհայտնվեմ այդպիսի խոսակցության կիզակետում: Դա դավաճանություն կհամարվի: Այնպես չէ, որ ես հրապուրված եմ այս կուսակցության անցած ուղիով, բայց ՀՀԿ-ին խնդրում եմ վերաբերվել հարգանքով, Նժդեհի գաղափարախոսության վրա հիմնված կուսակցություն է, ունեցել է լավագույն առաջնորդներ, պետականաշինության գործին մասնակցել է երկար տարիներ... Որ երկրում չարաշահումներ ու նեգատիվ է եղել, որը բերեց այս հանգուցալուծմանը, փաստ է, որևիցե մեկին չեմ պաշտպանում, բայց ՀՀԿ-ին պետք է մի քանի շերտերով դիտարկել, չպետք է մի քանի մարդու արարքը տարածել բոլորի վրա»:
Մանրամասն՝ թերթի այսօրվա համարում
