Գարեգին Բ-ի թեկնածությունն ընտրել է Վազգեն Վեհափառը: Այսօր՝ հուլիսի 25-ին, այս մասին լրագրողների հետ հանդիպմանը հայտնեց կրոնագետ Վարդան Խաչատրյանը՝ նշելով, որ իրեն միշտ հետաքրքրել է, թե ինչու է այդ աներևակյելի հոգևոր խորության տեր մարդն ընտրել հենց Գարեգին Բ-ին:
Խաչատրյանի խոսքերով, ինքը հասկացել է, որ Վազգեն Վեհափառը Գարեգին 2-ի մեջ տեսել է այն որակները, որոնք անհրաժեշտ են եկեղեցին ոտքի կանգնեցնելու համար. «Մեր եկեղեցին ծանրագույն վիճակում էր, երբ Վազգեն Վեհափառը հեռացավ: Երբ նա Ֆրանսիայից վերադարձավ, ուր գնացել էր բուժում ստանալու և նրան հարցրեցին, թե ինչու է վերադարձել, Վազգեն Վեհափառն ասաց, որ չէր կարող մահանալ Էյֆելյան աշտարակի արտացոլանքն աչքերի մեջ, պետք է մահանար Էջմիածինի խաչի արտացոլանքն աչքերում»:
Ինչ վերաբերում է եկեղեցու շուրջ ստեղծված իրավիճակին, Խաչատրյանի խոսքերով, դա խայտառակություն է, և այն ամենը ինչ կապված է եկեղեցու հետ, պետք է մի քանի անգամ չափել, հետո կտրել:
