ՌԴ ԱԳ նախարար Սերգեյ Լավրովը ՀՀ ԱԳՆ նախարար Զոհրաբ Մնացականյանի հետ հեռախոսազրույցի ընթացքում բացատրել է , թե ինչպիսին են ՀԱՊԿ գլխավոր քարտուղար Յուրի Խաչատուրովի լիազորությունները՝ վերջինիս առաջադրված մեղադրանքով պայմանավորված, հետկանչելու ընթացակարգերը: Այս մասին տեղեկացնում է ՏԱՍՍ-ը՝ հղում անելով ՌԴ արտգործնախարարության տարածած պարզաբանմանը:
«ՀՀ ԱԳՆ մամուլի քարտուղարի կողմից ՀԱՊԿ գլխավոր քարտուղարի պաշտոնից Յուրի Խաչատուրովի փոփոխման վերաբերյալ արված հայտարարության մասով անհրաժեշտ ենք համարում տեղեկացնել, որ հուլիսի 27-ին ՌԴ ԱԳ նախարար Սերգեյ Լավրովի և ՀՀ ԱԳ նախարար Զոհրաբ ՄՆացականյանի միջև տեղի ունեցած հեռախոսազրույցի ժամանակ հայկական կողմին անհրաժեշտ պարզաբանումները տրվել են: Մասնավորապես, նշվել է, որ ՀԱՊԿ կանոնադրության համաձայն, հենց հայկական կողմը պետք է պաշտոնապես նախաձեռնի իր քաղաքացուն ՀԱՊԿ գլխավոր քարուղարի պաշտոնից հետկանչելու գործընթացը, եթե նման հետկանչի մասին որոշում է կայացվել Երևանում», - ասված է ՌԴ ԱԳՆ պարզաբանման մեջ:
