Վրաստանի Սահմանադրական դատարանն օրինականացրել է երկրում մարիխուանայի օգտագործումը: Այս մասին հայտնում է «Грузия Online»-ը:
Դատարանի որոշումից հետո Վրաստանում մարիխուանայի օգտագործման համար գոյություն ունեցող պատժամիջոցները չեղյալ են համարվել:
«Sputnik Грузия»-ն հայտնում է, որ այսուհետ Վրաստանում մարիխուանայի օգտագործումը թույլատրվում է, սակայն արգելվում է այն գնել և պահել, ինչի համար վարչական տուգանք է սահմանվել: Իսկ մեծ քանակությամբ մարիխուանա պահելու դեպքում հարուցվելու է քրեական գործ:
