Սպիտակ տանն Իտալիայի վարչապետ Ջուզեպպե Կոնտեի հետ համատեղ մամուլի ասուլիսի ժամանակ ԱՄՆ նախագահ Դոնալդ Թրամփը հայտարարել է, որ պատրաստ է ցանկացած ժամանակ հանդիպել Իրանի նախագահ Հասան Ռոհանիի հետ:
Թրամփը նշել է, որ հանդիպման համար որևէ նախապայման պետք չէ՝ հավելելով, թե չգիտի՝ պատրաստ է արդյո՞ք Ռոհանին այդ հանդիպմանը:
Իրանի պատասխանն այս հայտարարությանը հաջորդել է գրեթե անմիջապես: Նախագահ Ռոհանիի խորհրդական Համիդ Աբութալեբին հայտնել է, որ վերջինս պատրաստ է հանդիպել Թրամփի հետ, սակայն մինչ այդ ԱՄՆ-ը պետք է իր հավատարմությունը հաստատի Իրանի հետ միջուկային պայմանագրին:
Իրանցի պաշտոնյան ընդգծել է, որ ամերիկյան կողմը պետք է հարգի իրանցիներին, թուլացնի թշնամանքը և, ինչպես արդեն նշվեց, վերադառնա միջուկային պայմանագրին: