Մեքսիկայում օդանավ է վթարի ենթարկվել: Ավելի ուշ մեքսիկական Դուրանգո նահանգի նահանգապետ Խոսե Ռոսասա Աիսպուրան հայտնել է, որ վթարի պատճառը, նախնական տեղեկություններով, ուժեղ քամին է:
Նահանգապետը նշել է, որ թռիչքի պահին քամու պատճառով օդանավը կտրուկ թեքվել է և ձախ թևով հարվածել թռիչքուղուն:
Միևնույն ժամանակ պաշտոնյան հայտարարել է, որ վթարի վերջնական պատճառը հայտնի կլինի միայն քննությունից հետո:
Հավելենք, որ վթարի պահին օդանավում եղել է 101 մարդ, բոլորը ողջ են մնացել: Վիրավորների թիվը հասնում է 49-ի, նրանցից երկուսի, այդ թվում օդաչուի վիճակը ծանր է:
