ՀԱՊԿ գլխավոր քարտուղարի պաշտոնում Յուրի Խաչատուրովին Հայաստանի այլ թեկնածուով փոխարինելը չի լինելու ավտոմատ կերպով: Այս մասին հայտնում է Կոմմերսանտը:
«Հայկական «ռազբորկաներն» հսկայական վնաս են հասցնում ՀԱՊԿ-ի վարկանիշին: Տարօրինակ է, որ նրանք դա չեն հասկանում»,-Կոմմերսանտի հետ զրույցում հայտնել է ՌԴ նախագահին մոտ կանգնած աղբյուրը:
Պարբերականը գրում է, որ կադրային հարցերը չեն կարող լուծվել նոյեմբերի 8-ից շուտ, երբ կհավաքվի ՀԱՊԿ բարձրագույն մարմինը՝ Հավաքական անվտանգության խորհուրդը:
«Եթե գլխավոր քարտուղարի պաշտոնում Հայաստանի նոր թեկնածուն չհաստավի, նախագահությունն անցնելու է Բելառուսին»,-ասված է հայտարարության մեջ:
Հիշեցնենք, որ Խաչատուրովը 3 տարի ժամկետով ՀԱՊԿ նախագահությունը ստանձնեց 2017 թվականի մայիսին: