Այսօր՝ օգոստոսի 2-ին, կառավարության նիստը սկսվեց ՀՀ վարչապետ Նիկոլ Փաշինյանի կողմից արված կատակով և նախարարների ծիծաղով:
Երբ կառավարությունը քննարկում էր «Հայաստանի Հանրապետության և Եվրասիական զարգացման բանկի միջև «Առողջապահության առաջնային օղակում ոչ վարակիչ հիվանդությունների կանխարգելման և վերահսկողության կատարելագործում» ծրագրի ֆինանսավորման համար Կայունացման և զարգացման եվրասիական հիմնադրամի միջոցներից դրամաշնորհի տրամադրման մասին» համաձայնագիրը հաստատելու մասին» Հայաստանի Հանրապետության Նախագահի հրամանագրի նախագիծը, վարչապետը սխալմամբ Առողջապահության նախարար Արսեն Թորոսյանին ներկայացրեց, որպես ֆինանսների նախարար, ինչին հաջորդեց Թորոսյանի ժպիտը և նախարարների ծիծաղը. «Ես էլ ասեմ՝ ինչու է Թորոսյանը լայն ժպտում: Ձեզ դուր եկավ»,-կատակեց վարչապետը:
Թորոսյանն իր հերթին հայտնեց, որ այդ դեպքում Հայաստանում ավելի լավ առողջապահություն կլիներ:
«Շատ փող կտայիք առողջապահությանը, դա նկատի ունե՞ք»,-արձագանքեց վարչապետը՝ ստանալով դրական պատասխան:
