Վենեսուելայում քաղաքական գործիչ Խուլիո Սեսար Ռիվասը թվիթերյան իր էջում տեսանյութ է հրապարակել, թե ինչպես է պայթում անօդաչու թռչող սարքը, որն օգտագործվել էր երկրի նախագահ Նիկոլա Մադուրոյի դեմ մահափորձի ժամանակ:
Տեսանյութում երևում է, թե ինչպես է սև ԱԹՍ-ն պայթում այն պահին, երբ նախագահը հանդես է գալիս հանդիսավոր ելույթով:
Հիշեցնենք, որ Մադուրոյի նկատմամբ մահափորձը տեղի ունեցավ Կարակասում: Անօդաչուն ժամանակին հայտնաբերվեց և ոչնացվեց, սակայն դրա արդյունքում տուժել են իրավապահ մարմինների 7 ներկայացուցիչներ:
Տեղի ԶԼՄ-ները հայտնում են, որ մահափորձի գործով արդեն ձերբակալվածներ կան: Նշվում է, որ այն նախապատրաստվել է կես տարի և կարող էր տասնյակ մարդկանց կյանքեր խլել:
Նախագահը չի տուժել:
Para los que querían ver el Dron pic.twitter.com/JKcRysXEUX
— Julio César Rivas (@JULIOCESARRIVAS) August 5, 2018
