Փորձագետները կազմել են պետությունների ղեկավարների և այլ ազդեցիկ մարդկանց ավտոմեքենաների թոփ հնգյակը: Ցանկում հայտնվել է 5 շքեղ տրանսպորտային միջոց:
Այսպես, առաջին հորիզոնականում հայտնվել է Rolls-Royce Silver Spur Mk III-ը: Այս ավտոմեքենայից է օգտվում Բրունեայի սուլթանը: Այն արժե մոտ 14 միլիոն դոլար:
Ցանկի երկրորդ հորիզոնականում հայտնվել են Հռոմի պապի ավտոմեքենաները, որոնք միշտ առանձնացել են հարմարավետությամբ և նրբաճաշակությամբ: Այդ ավտոմեքենաներից կարելի է առանձնացնել 1990 թվականի Mercedes-Benz G-Class-ը և 2007 թվականի արտադրության G500-ը:
Անցնենք առաջ: Ազդեցիկ մարդկանց ավտոմեքենաների թոփ հնգյակի երրորդ հորիզոնակում ՌԴ նախագահ Վլադիմիր Պուտինի ավտոմեքենան է՝ Aurus Senat-ը, որն արտադրվել է Ռուսաստանում:
ԱՄՆ նախկին նախագահ Բարաք Օբամայի Cadillac The Beast-ը ցանկի 4-րդ հորիզոնականում է, իսկ հնգյակը եզրափակում է Ուրուգվայի նախկին նախագահ Խոսե Մուխիկոյի 1987 թվականին արտադրված 2 հազար դոլարանոց Volkswagen Beetle-ը:
