Վենեսուելայի նախագահ Նիկոլաս Մադուրոն Telesur-ի հետ հարցազրույցի ժամանակ հայտարարել է, որ իր դեմ մահափորձի նպատակը եղել է բռնություն տարածելն ու երկրում խաղաղությունը խաթարելը:
Նրա խոսքերով, մահափորձի հեղինակները փորձել են սպանել ոչ միայն նախագահին, այլ նաև երկիրը, խաղաղությունը, դեմոկրատական գաղափարները՝ Վենեսուելայի քաղաքական և սոցիալական կյանքը լցնելով բռնությամբ:
Ինչ վերաբերում է մահափորձի կազմակերպիչներին, ապա Մադուրոյի խոսքերով, դրա ետևում կանգնած է վենեսուելացի ընդդիմադիրներից մեկը, ով ապրում է Կոլումբիայում: Խոսքը Խուլիո Բորխեսի մասին է: