Հայաստանի Հանրապետության Կոտայքի մարզի Հրազդան քաղաքում համայնքի ղեկավարի արտահերթ ընտրությունները տեղի են ունենալու այս տարի հոկտեմբերի 21-ին: Հարցն ընդգրկված է կառավարության այսօրվա նիստի օրակարգում:
Նշենք, որ շրջանառվող լուրերի համաձայն, քաղաքապետի ամենահավանական թեկնածուն ԵԼՔ խմբակցության պատգամավոր Սասուն Միքայելյանի որդին է:
Ավելի վաղ ՀՀ փոխվարչապետ Տիգրան Ավինյանը հայտարարել էր, որ նման որոշում դեռ չկա:
Հիշեցնենք, որ Հրազդանի նախկին քաղաքապետ Արամ Դանիելյանը հրաժարական տվեց Հայաստանում տեղի ունեցած իշխանափոխությունից հետո:
