Ադրբեջանում այցով գտնվող Տաջիկստանի նախագահ Էմոմալի Ռահմոնը հայտարարել է, որ ղարաբաղյան հակամարտությունը պետք է կարգավորվի քաղաքական-դիվանագիտական ուղով:
Ռահմոնի խոսքերով, ղարաբաղյան հակամարտության նման բարդ հակամարտությունները պետք է լուծվեն բացառապես քաղաքական-դիվանագիտական ճանապարհով, միջազգային օրենքների շրջանակներում, քանի որ հենց դա է նման հարցերի կարգավորման համար ամենակառուցողական միջոցը:
Նշենք, որ Տաջիկստանի նախագահն այս հայտարարությամբ հանդես է եկել Ադրբեջանի նախագահ Իլհամ Ալիևի հետ հանդիպումից հետո:
