Իրանի նախկին նախագահ Մահմուդ Ահմադինեժադը գործող նախագահ Հասան Ռոհանիին կոչ է արել հրաժարական տալ հանուն ժողովրդի հանգստության: Այս մասին հայտնում է Ինտերֆաքսը՝ հղում անելով Աշ-Շարկ ալ-Աուսաթ թերթին:
Նախկին նախագահը հայտարարել է, որ նախագահ Ռոհանին և Ալի ու Սադիկ Լարիջանիները, որոնցից մեկը գլխավորում է երկրի խորհրդարանը, մյուսը՝ դատական համակարգը, ինչպես նաև Թեհրանի պահպանողական բլոկները պատասխանատվություն են կրում երկրում ստեղծված իրավիճակի համար:
Ահմադինեժադի կարծիքով, վերջիններիս հեռանալը հանգստություն և բարգավաճում կբերի Իրանին:
Հիշեցնենք, որ ամիսներ առաջ Ահմադինեժադը ևս մեկ անգամ խոսել էր՝ քննադատելով երկրի իշխանություններին:
