Մոսկվայի Վոյս կարաոկե ակումբում ծեծի ենթարկված «Տաքսի» ֆիլմի աստղ Սամի Նասերիի փաստաբանը հայ է, նրա անունը Նարեկ Կոստանյան է:
Հիշեցնենք, որ ֆրանսիացի հայտնի դերասանը ծեծի ենթարկվեց օգոստոսի 5-ին: Նա դեմքին ուժեղ հարված է ստացել, ինչի արդյունքում կարող է կորցնել տեսողության մի մասը:
Ինչպես հայտնել է Կոստանյանը, Նասերին գտնվում է շոկային վիճակում, հիասթափված է, սակայն ընդհանուր առմամբ առողջական խնդիրներից չի բողոքում:
Հավելենք, որ ֆրանսիացին արդեն դիմել է իրավապահներին և փոխհատուցում է պահանջում:
