Արդեն հայտնել ենք այն մասին, որ այսօր «Լիդիան Արմենիայի» աշխատակիցներն օրը սկսել են կառավարության մոտ բողոքի ակցիա իրականացնելով՝ ուղղված Ամուլսար տանող ճանապարհները փակելու դեմ:
Ակցիայի մասնակիցները հանդիպում էին պահանջում ՀՀ վարչպետ Նիկոլ Փաշինյանի հետ, սակայն նրանց ընդունեց փոխվարչապետ Տիգրան Ավինյանի գրասենյակի ղեկավար Վարագ Սիսեռյանը, ով հիշեցրեց, որ կառավարությունն աշխատանքային խումբ է ստեղծել, որը շուտով պետք է հանդես գա եզրակացությամբ, ինչից հետո էլ վարչապետը որոշում կկայացնի: Կառավարության անդամը նշեց, որ հասկանում է աշխատակիցներին՝ խնդրելով սպասել ևս 15 օր, երբ կլինի անհրաժեշտ եզրակացությունը:
Հիշեցնենք, որ մի խումբ քաղաքացիներ արդեն մոտ 2 ամիս է փակ են պահում Ամուլսար տանող ճանապարհները՝ կաթվածահար անելով հանքի աշխատանքները: «Լիդիան Արմենիան» ոչ մեկ անգամ է հանդես եկել հայտարարությամբ՝ դատապարտելով այդ գործելաոճը և պահանջելով համապատասխան կառույցներին ուշադրություն դարձնել խնդրի վրա:
