Իրանը բանակցություններ է սկսել Հայաստանի և Ադրբեջանի հետ այդ երկրների տարածքով դեպի Ռուսաստան էլեկտրաէներգիա արտահանելու համար: Այս մասին, ինչպես հայտնում է ՏԱՍՍ-ը, հայտարարել է Իրանի էներգետիկայի նախարար Ռեզա Արադաքանիյանը:
Իրանցի նախարարը նշել է, որ իր երկրի համար այսօր կարևոր է եվրոպական էներգետիկ ցանցին միանալը, և Թեհրանը մի քանի տարբերակ ունի այդ գաղափարն իրականություն դարձնելու համար. «Այդ տարբերակներից մեկը մեր հյուսիսային հարևանների միջոցով դա անելն է»,-ասել է իրանցի պաշտոնյան
