Ինչպես արդեն հայտնել ենք, ակտիվիստները, ովքեր տապալեցին ՀՀ երկրորդ նախագահ Ռոբերտ Քոչարյանի ասուլիսը, ակցիան շարունակում են Գլխավոր դատախազության մոտ՝ պահանջելով բողոքարկել Վերաքննիչ դատարանի որոշումը, որը վերաբերում է ՀՀ երկրորդ նախագահին ազատ արձակելուն:
Քիչ առաջ ակցիայի մասնակիցների հետ հանդիպեց Գլխավոր դատախազության հատկապես կարևոր գործերով քննության նկատմամբ հսկողության վարչության պետ Վահագն Մուրադյանը և հայտարարեց, որ իրենք դեռ դատարանի որոշումը չեն ստացել, 1-2 օրվա ընթացքում որոշումը կստանան, իրենք կքննարկեն այն և որոշում կկայացնեն:
Մուրադյանի խոսքերով, երբ իրենք ստանան որոշումը, դրան համահունչ բողոք կտանեն:
Գլխավոր դատախազության ներկայացուցիչը նաև հայտնեց, որ Վերաքննիչ դատարանի դատավոր Ալեքսանդր Ազարյանին բացարկ չեն պահանջել: