ԱՄՆ նախագահ Դոնալդ Թրամփը հայտարարել է՝ եթե Թուրքիան ազատ չարձակի հոգևորական Էնդրյու Բրանսոնին, Վաշինգտոնը կնվազեցնի Անկարային աջակցության մակարդակը:
«Մենք որևէ բան չենք վճարելու անմեղ մարդու ազատության համար, սակայն մենք կնվազեցնենք Թուրքիային աջակցության մակարդակը»,-գրել է Թրամփը թվիթերյան իր էջում:
ԱՄՆ նախագահը հայտարարել է, որ Թուրքիան երկար տարիներ օգտվել է Միացյալ Նահանգներից, իսկ ինչ վերաբերում է Բրանսոնին, ապա վերջինս մեծ հայրենասեր է, ով գտնվում է անազատության մեջ:
Ավելի վաղ ԱՄՆ ֆինանսների նախարարը հայտարարել էր, որ ամերիկյան կողմը կարող է ընդլայնել Թուրքիայի դեմ պատժամիջոցները:
