Սեպտեմբերի սկզբներին Թեհրանում Սիրիայի հարցով գագաթաժողովի շրջանակներում ՌԴ և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը կարող են առանձին հանդիպում ունենալ: Այս մասին հայտնում են ռուսական ԶԼՄ-ները՝ հղում անելով Պուտինի մամուլի խոսնակ Դմիտրի Պեսկովին:
Ինչ վերաբերում է Ստամբուլում ՌԴ, Թուրքիայի, Գերմանիայի և Ֆրանսիայի ղեկավարների գագաթաժողովին, ինչի մասին ավելի վաղ խոսակցություններ կային, ապա այն չի կայանալու, հայտնել է Պեսկովը: Այս ինֆորմացիան հաստատել են նաև Թուրքիայի նախագահի աշխատակազմում և ԱԳՆ-ում:
