Հասարակություն 

Հակառակորդի ձախողված հարձակման փորձերը ցույց են տալիս ՊԲ-ի պատրաստվածության բարձր աստիճանը. Դավիթ Բաբայան

Հակառակորդը պարբերաբար դիմում է նման քայլերի, ստուգելու հայկական կողմի պատրաստվածությունը և զգոնությունը:

«Արմենպրես»-ի հետ զրույցում, անդրադառնալով ՊԲ դիրքերից մեկում հակառակորդի ձախողված հարձակման փորձի մասին, ասել է Արցախի Հանրապետությաննախագահի մամուլի խոսնակ Դավիթ Բաբայանը:

«Արտառոց ոչ մի բան տեղի չի ունեցել: Այս անգամ ևս փորձ կատարեցին և լիակատար ձախողվեցին: Ընդհանուր առմամբ, իրավիճակը շարունակում է մնալ վերահսկելի, և մեր կողմից թուլության որևէ դրսևորում և, առավել ևս, խուճապ չկա և չի կարող լինել»,- նշել է Բաբայանը:

Խոսելով վերջին շրջանում արցախա-ադրբեջանական շփման գծում իրավիճակից, ԱՀ նախագահի մամուլի խոսնակը հայտարարել է, որ իրավիճակը կայուն է, սակայն այդ կայունության հիմնական գրավականն այն է, որ հայկական կողմը միշտ  պատրաստ է և զգոն:

«Մենք գիտենք հակառակորդի նենգության և ատելության աստիճանը: Այն, որ ձախողում է այդպիսի ահաբեկչական փորձերը, ցույց է տալիս, որ ռազմավարական նախաձեռնողականությունը շարունակում է մնալ Պաշտպանության բանակի ձեռքում»,- ասել է Բաբայանը:

 

  • 109
  •  
  •  
  •  
  •  
  • 1
  • 4
  •  
  •  
  •  
    114
    Shares

Related Articles