Այսօր՝ Ամերիկայի ժամով ժամն ուղիղ 00:00-ին Ռուսաստանի նկատմամբ ամերիկյան պատժամիջոցների նոր փաթեթն ուժի մեջ է մտել:
Նոր փաթեթով պետքարտուղարությունն այլևս լիցենզիա չի տալու Ռուսաստան զենք և կրկնակի նշանակության ապրանքներ արտահանելու համար: Բացառություն են կազմելու միայն տիեզերական ոլորտն ու քաղաքացիական ավիացիան: Արգելվելու է Ռուսաստանին ամերիկյան ցանկացած օգնություն: Այստեղ էլ բացառություն է լինելու մարդասիրական օգնության, սննդի և գյուղատնտեսական ապրանքների մասով:
Մոսկվան նաև զրկվելու է վարկերից, վարկային երաշխիքներից, ֆինանսական այլ աջակցությունից՝ ամերիկյան հաստատությունների կողմից:
Հիշեցնենք, որ ամերիկյան իշխանությունները նոր պատժամիջոցների մասին հայտարարել էին օգոստոսի 8-ին:
