Մոսկվայից օդ բարձրացած Boeing 737 օդանավը Սոչիի օդանավակայանում վայրէջք կատարելուց հետո սահել և հայտնվել է գետի մեջ: Ինչպես հայտնում են ռուսական ԶԼՄ-ները, վայրէջքի ժամանակ կոտրվել է օդանավի շասին, ինչին հաջորդել է ձախ թևի բռնկումը:
Միջադեպի պահին օդանավում եղել է 164 ուղևոր և անձնակազմի 6 անդամ: Բոլորին տարհանել են:
Տեղի ունեցածի արդյունքում կա 18 տուժած և մեկ զոհ: Զոհն օդանավի աշխատակից է, ով օգնել է տարհանել ուղևորներին, նա մահացել է սրտի հետ ունեցած խնդիրների պատճառով:
Վթարի պատճառները դեռ հայտնի չեն, սակայն նախնական տեղեկություններով օդանավը վթարվել է վատ եղանակային պայմանների հետևանքով: