Օգոստոսի 31-ին, ժամը 17:57-ին «911» ծառայությանն ահազանգ է ստացվել, որ Երևան քաղաքի Աշտարակի խճուղու թիվ 2ա հասցեում գտնվող Պռոշյան կոնյակի գործարանի մոտակայքում այրվում են դատարկ արկղեր:
Հրդեհի բարդության թիվ 2 կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից ինը մարտական հաշվարկ, Աղետների բժշկության կենտրոնի հերթապահ խումբը և հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ հրդեհը բռնկվել է Աշտարակի խճուղու թիվ 47/6 հասցեում գտնվող Պռոշյան կոնյակի գործարանի կողմից վարձակալված պահեստային տարածքում (2000 քմ):
Հրդեհը մեկուսացվել է ժամը 22:45-ին, մարվել՝ 02:16-ին:
Այրվել են շինության պատուհանները և ստվարաթղթե արկղերի հումք:
Հրդեհի հետևանքով տուժածներ չկան:
