Ուսումնական տարվա մեկնարկի առիթով Երևանի «Մխիթար Սեբաստացի» կրթահամալիր այցելած ՀՀ նախագահ Արմեն Սարգսյանի հետ հարցուպատասխանի ժամանակ վերջինիս հարց է ուղղել նաև ՀՀ վարչապետ Նիկոլ Փաշինյանի դուստրը՝ Շուշան Փաշինյանը:
«Մենք գիտենք, որ Դուք եղել եք Մեծ Բրիտանիայում Հայաստանի դեսպանը, ինչ հաջողություններ եք ունեցել այդ գործունեության մեջ»,-հարցրել է վարչապետի դուստրը:
Նախագահը նախ նշել, որ պետք չէ աշխատել մի օր շնորհակալության արժանանալու համար. «Երբ աշխատեք, մի սպասեք, որ ձեզ շնորհակալություն հայտնեն: Եթե ժամանակը գա, կգան ու կասեն»:
Նախագահի խոսքերով, եթե Բլեյանը ժամանակին շնորհակալության սպասեր իր դպրոցը բացելու համար, սակայն դրան չարժանանալուց հետո կանգ առներ, սխալ կլիներ. «Շնորհակալության համար չես անում»:
Ինչ վերաբերում է իր գործունեությանը, նախագահ Սարգսյանը նշել է, որ սխալ կլինի, եթե ինքը գնահատական տա իր արածին:
