ՀՀ վարչապետ Նիկոլ Փաշինյանը կարծում է, որ Հայկ Մարությանի ձևակերպումները ճշգրիտ չեն եղել, երբ նա հայտարարել է, որ իրենք սպիտակներ են, իսկ բոլոր նրանք, ովքեր չեն ցանկանում իրենց հաջողությունը՝ սև են:
Այսօր՝ սեպտեմբերի 4-ին, լրագրողների հետ զրույցի ժամանակ վարչապետը նշեց, որ ցանկացած հայտարարություն, քաղաքական հայտարարություն պետք է տեղավորվի սիրո, համերաշխության հեղափոխության սկզբունքների մեջ. «Ես կարծում եմ, որ մենք պետք է ավելի վառ գույների մասին խոսենք, ոչ թե սևի ու սպիտակի»:
Հիշեցնենք, որ Հայկ Մարությանն իր հայտնի հայտարարության մեջ նաև նշել էր, որ իրենց դեմ խաղ չկա:
