Սեպտեմբերի 4-ին ընդունել եմ վրաց գործընկերոջս՝ Հայաստանում Վրաստանի արտակարգ և լիազոր դեսպան Գիորգի Սագանելիձեին:
Դեսպանի հետ ջերմ զրույցում բարձր եմ գնահատել Հայաստան-Վրաստան բազմաոլորտ համագործակցության մակարդակն ու կարևորել եմ արդեն ավանդական դարձած հայ-վրացական ֆորումի կազմակերպումը, որը հնարավորություն է տալիս քննարկելու երկու երկրների իրավական ոլորտին առնչվող մտահոգություններն ու հարցերը:
Գործընկերոջս հետ հանդիպման հարցերի օրակարգը մեծ էր՝ արդարադատության ոլորտում լավագույն փորձի փոխանակում, փոխադարձ այցեր կազմակերպելու հնարավորություն, պետական ծառայությունների մատուցման բնագավառում իրականացվող ծրագրեր, ինչպես նաև քրեակատարողական և իրավական փոխօգնության ոլորտներում համագործակցության խորացում:
Անելիքները շատ են, փորձելու ենք տեղայնացնելով օգտագործել միմյանց ձեռքբերումները:
Արդարադատության նախարար Արտակ Զեյնալյան
