Երևանի ընդհանուր իրավասության դատարանում դատավոր Աննա Դանիբեկյանի նախագահությամբ շարունակվում է Ալեքսանդր Սարգսյանի՝ սպանության փորձի մեջ մեղադրվող որդու՝ Հայկ Սարգսյանի խափանման միջոցը փոխելու հարցով դատական նիստը:
Քիչ առաջ կրտսեր Սարգսյանը, պատասխանելով դատավոր Դանիբեկյանի հարցերին, չցանկացավ բարձրաձայն պատասխանել առողջական խնդիրներ ունենալու մասին հարցին:
Մյուս հարցերին պատասխանելով՝ պաշտոնաթող նախագահ Սերժ Սարգսյանի եղբորորդին հայտարարեց, որ ամուսնացած է, ունի երկու երեխա, դատվածություն չունի, ունի բարձրագույն կրթություն: Սարգսյանը նաև հայտնեց, որ աշխատել է Երևանի քաղաքապետարանում: