ՀՀ վարչապետ Նիկոլ Փաշինյանը հույս ունի, որ ՌԴ նախագահ Վլադիմիր Պուտինն առաջիկայում պաշտոնական այցով կժամանի Հայաստան:
Վերոնշյալի մասին Փաշինյանը խոսել է ՌԴ նախագահի հետ հանդիպումից հետո:
ՀՀ վարչապետը հույս է հայտնել, որ մոտ ապագայում փոխադարձ պաշտոնական այցեր տեղի կունենան, որոնց ընթացքում կստորագրվեն փաստաթղթեր, որոնք կվերաբերեն տարբեր ոլորտներում համագործակցությանը:
Փաշինյանը հայտնել է, որ Պուտինին հրավիրել է Երևան, պայմանավորվածություն է ձեռք բերվել, որ այդ այցը մոտ ապագայում տեղի կունենա:
ՀՀ վարչապետի խոսքերով, եթե այցելությունը չկայանա այս տարվա վերջին, կկայանա հաջորդ տարվա սկզբներին:
Ավելի վաղ հայտնել էինք, որ սեպտեմբերի վերջին Պուտինն այցով մեկնելու է Ադրբեջան:
