Ինչպես արդեն հայտնել ենք, Երևան քաղաքի ընդհանուր իրավասության դատարանը քիչ առաջ որոշում կայացրեց փոխել Ալեքսանդր Սարգսյանի որդու՝ Հայկ Սարգսյանի խափանման միջոց կալանքը: Սարգսյան կրտսերն ազատ կարձակվի 50 միլիոն դրամ գրավի դիմաց:
Ազատության հետ զրույցում Հայկ Սարգսյանի ընկերներից մեկը հայտնեց, որ գումարը գրեթե հավաքված է, մի քիչ է պակասում, դա էլ կգտնվի, որից հետո 3-րդ նախագահի եղբորորդին ազատ կարձակվի:
Լրագրողի հարցին, թե որտեղից Հայկի ընկերներին այդքան գումար, նրա ընկերը նշեց, որ իրենք աշխատում են՝ հավելելով, որ օրինակ ինքն աշխատում է պահածոների գործարանում:
Վերոնշյալ քաղաքացին հրաժարվեց ասել, թե կոնկրետ ինքը որքան է վճարելու՝ դա համարելով ոչ կարևոր:
