ՌԴ նախագահ Վլադիմիր Պուտինը Ճապոնիայի վարչապետ Սինձի Աբեին առաջարկել է մինչև տարվա վերջ խաղաղության պայմանագիր ստորագրել: Այս մասին հայտնում է Ինտերֆաքս գործակալությունը:
Պուտինն առաջարկել է այդ պայմանագիրը ստորագրել առանց որևէ նախապայմանի՝ հավելելով, որ ստորագրվելիք պայմանագրի հիման վրա հնարավոր կլինի քննարկել բոլոր վիճելի հարցերը:
Նշենք, որ Մոսկվան և Տոկիոն Երկրորդ համաշխարհային պատերազմից հետո բանակցություններ են վարում խաղաղության պայմանագիր ստորագրելու համար: Կողմերը չեն կարողանում համաձայնության գալ մասնավորապես Կուրիլյան կղզիների հարավային մասի շուրջ:
