Ամեն ինչ ճիշտ է, ամեն ինչ ճշգրիտ է, այո: Այսօր՝ սեպտեմբերի 12-ին, հայտարարել է ՀՀ վարչապետ Նիկոլ Փաշինյանը՝ պատասխանելով հարցին, թե իրեն զեկուցել են արդյո՞ք ԱԱԾ-ն և ոստիկանությունը կատարած աշխատանքի մասին:
Սեպտեմբերի 11-ին հանրահավաքի ժամանակ Փաշինյանը հանձնարարել էր վերոնշյալ կառույցներին ստուգումներ սկսել և ասֆալտին պառկեցնել օլիգարխների թիկնազորներին ու 2 ժամում զեկուցել իրեն կատարված աշխատանքների մասին:
Հարցին, թե մտահոգություն չունի արդյո՞ք, որ ներքաղաքական իրավիճակը Հայաստանում կարող է այնքան սրվել, որ խորհրդարանն ինքնալուծարման դժվարությամբ գնա, կառավարության ղեկավարը բացասական պատասխան տվեց:
Վարչապետը նաև հայտարարել է, որ արտաքին հետք չի տեսնում ԱԱԾ տնօրենի և ՀՔԾ պետի հետ կապված սկանդալի մեջ: