Իսրայելական ինքնաթիռներն այնպես են արել, որ սիրիական ՀՕՊ-ը խոցի ռուսական Ил-20 ռազմական օդանավը: Այս մասին հայտնում է ՌԻԱ Նովոստին՝ հղում անելով ՌԴ պաշտպանության նախարարությանը:
Ավելի վաղ հայտնել էինք, որ սիրիական Հմեյմիմ ռազմական բազայի մոտ Լաթաքիայում սիրիական օբյեկտների վրա իսրայելական օդուժի հարձակման ժամանակ ռուսական օդանավ է անհետացել, որում եղել է 14 զինվորական:
ՌԴ ՊՆ-ից նաև հայտնել են, որ իսրայելական կողմը տեղյակ չի պահել Մոսկվային տվյալ տարածքում օպերացիա անցկացնելու մասին:
Ռուսական կողմը հավելել է, որ իրեն վերապահում է ադեկվատ պատասխան տալու իրավունքը:
Իսրայելական կողմը դեռ որևէ մեկնաբանություն չի արել:
