Պենտագոնը հրապարակել է ԱՄՆ նախագահին կից կիբերանվտանգության ապահովման առաջին ռազմավարությունը: Ինչպես հայտնում է Fox News-ը, ռազմավարության մեջ Ռուսաստանը համարվում է գլխավոր կիբերսպառնալիքներից մեկը:
Ամերիկյան իշխանությունները կարծում են, որ Ռուսաստանը կիբերհարձակումներն օգտագործել է երկրի բնակչության վրա ազդելու համար: Խոսվում է նաև երկրում դեմոկրատական գործընթացների վրա բացասական ազդեցություն ունենալու մասին:
Ռուսաստանից բացի կիբերսպառնալիքներ են համարվել նաև Չինաստանը, Հյուսիսային Կորեան, Իրանը: Բոլոր այդ երկրները, ԱՄՆ-ի իշխանությունների պնդմամբ, ցանկանում են վնասել ամերիկացիներին և երկրի շահերին: