Այն հանգամանքը, որ մենք ունենում ենք անօրինական գաղտնալսման դեպք, այն էլ՝ ԱԱԾ տնօրենի, ողջամտորեն յուրաքանչյուր քաղաքացու կարող է հանգեցնել կասկածներ ունենալու, որ իրենց ևս գաղտնալսում են: Այսօր՝ սեպտեմբերի 19-ին, լրագրողների հետ զրույցի ժամանակ հայտարարեց ԱԺ ՀՀԿ խմբակցության պատգամավոր Գևորգ Կոստանյանը, ով նաև ԱԱԾ տնօրենի և ՀՔԾ պետի հեռախոսազրույցի գաղտնալսման դեպքն ուսումնասիրելու համար ստեղծված ԱԺ Քննիչ հանձնաժողովի նախագահն է:
Կոստանյանը նշեց, որ հանձնաժողովը հարուցված քրեական գործի հանգամանքների մեջ իրավասու չի մտնելու:
