Այսօր՝ սեպտեմբերի 20-ին, կառավարության նիստից հետո լրագրողների հետ զրույցի ժամանակ ՀՀ ԱԳ նախարար Զոհրաբ Մնացականյանը, խոսելով հայ-ադրբեջանական սահմանին հայկական կողմից զոհ ունենալու և ՀԱՊԿ-ի արձագանքի մասին, հայտարարեց, թե ՀԱՊԿ-ն այն կառույցն է, որի մեջ Հայաստանն ապահովում է միասնական անվտանգությունը. «Մենք աշխատում ենք այդ շրջանակում: Արձագանքի լինել-չլինելը չի նշանակում, թե այդ կազմակերպությունում մեր գործառույթը չենք իրականացնում: Սա հավաքական անվտանգության կառույց է և դրա շրջանակներում մենք ի հայտ ենք բերում այն զարգացումները, որոնք կանոնադրական առումով նշանակություն ունեն»:
Մնացականյանը նաև նշեց, որ հայկական կողմը համբերատար աշխատում է գործընկերների հետ: