Քարոզչությունն այնպիսի երևույթ է, որ դրա ընթացքում կրքեր են բորբոքվում, բանավեճեր են լինում: Այսօր՝ սեպտեմբերի 21-ին, հայտարարեց ՀՀ վարչապետ Նիկոլ Փաշինյանը՝ խոսելով քարոզարշավի մասին և հավելելով, որ դա նորմալ է:
Վարչապետի խոսքերով, կարևորն այն է, որ բոլոր քաղաքական ուժերն օրինականության սահմաններում են մնացել. «Ի դեպ, ասեմ՝ ես տեղյակ եմ, որ ԲՀԿ քաղաքապետի թեկնածուն մտահոգություններ է հայտնել համացանցում իր հասցեին հնչած արտահայտությունների և վիրավորանքների կապակցությամբ: Ես ուզում եմ լիարժեք զորակցություն հայտնել նրան և ասել, որ դա իսկապես անթույլատրելի է» :
Փաշինյանը նշեց, թե անթույլատրելի է առհասարակ, որ ՀՀ քաղաքացիներն իրար հետ հարաբերվեն վիրավորանքներով. «Իհարկե լինում է, որ նյարդերը տեղի են տալիս, դա կարելի է հասկանալ: Բայց մենք պետք է ամեն ինչ անենք փոխադարձ հարգանքի մթնոլորտի համար»: