ՀՀ նախագահ Արմեն Սարգսյանը, նախագահականում անկախության տոնի առթիվ պարգևներ հանձնելուց հետո լրագրողների հետ զրույցի ժամանակ պատասխանեց նաև որոշ գործիչների կողմից հասարակությանը սպիտակների և սևերի բաժանելու մասին հարցին:
Նախագահ Սարգսյանը նշեց, որ կպատասխանի որպես ֆիզիկոս. «Դուք երկու գույն նշեցիք՝ սև և սպիտակ: Իրականում սպիտակ գույնը մեկ գույն չէ, այն բոլոր գույների համախմբվածությունն է: Սպիտակ չենք ունենա, եթե չհամախմբենք բոլոր գույները, նույնիսկ՝ սևը» :
Հարցին, թե ինչ է ցուցանում առակը, Սարգսյանն ասաց, թե դա կթողնի, որ մարդիկ մտածեն:
Ճշտող հարցին, թե կան արդյո՞ք ամեն դեպքում սև ուժեր, նախագահն ասաց, թե չգիտի, լրագրողները պետք է դատեն, իսկ իր պատասխանն այն է, որ մեր երկիրը պետք է միասնական լինի՝ անկախ տեսակետներից. «Պետք է հարգենք իրար, ունենանք հանդուրժողականություն: Պետք է ունենանք արտահայտվելու ազատություն և լսելու մշակույթ: Եթե չունես լսելու ունակություն, մի սպասիր, որ քեզ կլսեն»:
