Այսօր «Մեդիա կենտրոնում» տեղի ունեցավ «Անկախ դիտորդ» դաշինքի ասուլիսը՝ իրականացված մեդիամոնիտորինգի և իրականացվելիք դիտորդական առաքելության մասին։
Դաշինքի ներկայացուցիչներ Արթուր Սաքունցն ու Դանիել Իոաննիսյանը ասուլիսի ժամանակ հայտնեցին, որ տեղեկություններ են ձեռք բերել, այն մասին, թե «Բարգավաճ Հայաստան» կուսակցությունը հանրահավաքներին մասնակցելու համար մարդկանց ապօրինաբար վճարել է: Սակայն, միևնույն Դանիել Իոաննիսյանը նշեց, որ դեռ չունեն հստակ ապացույցներ դրանց վերաբերյալ։
Ասուլիսի ընթացքում հյուրերի կողքին անսպասելի հայտնվեց ԱԺ «Ծառուկյան» խմբակցության քարտուղար Վահե Էնֆիաջյանը՝ հայտարարելով, որ Իոաննիսյանի և մյուսների ունեցած տեղեկությունները սուտ են և որ այդ ամենի մասին առանց ապացույցի այս օրով խոսելը օրենքի կոպիտ խախտում է։
