Կառավարության մոտ այսօր վաղ առավոտից բողոքի ակցիա են իրականացնում վարորդները:
Դեռ երեկվանից Երևան-Արմավիր երթուղին սպասարկող «Գալակտիկա Տրանս Սերվիս» ՍՊԸ-ի վարորդները միկրոավտոբուսները կայանել էին կառավարության դիմաց, իսկ արդեն այսօր բողոքի ակցիան են իրականացնում:
Վարորդները բողոքում են, որ իրենք օրինական դաշտում են աշխատում, սակայն իրենց զուգահեռ անօրինական աշխատող տրանսպորտային միջոցներ կան, ինչի պատճառով իրենց ուղևորների թիվը պակասում է:
Վարորդները կառավարությունից պահանջում են լուծում տալ իրենց խնդրին:
