Ազատություն ռադիոկայանը տեղեկացնում է, որ նախնական տվյալներով «Սուրբ Գրիգոր Լուսավորիչ» ԲԿ-ում մոտ մեկ ժամ առաջ թթվածնի բալոնի կամ բալոնների պայթյուն է տեղի ունեցել։ Նախնական տեղեկություններով կա մեկ զոհ, ով հանդիսանում է թթվածնի կայանի աշխատակից։ Հայտնի է նաև նրա ինքնությունը, անունը Վահրամ է, տարիքը՝ մոտ 42 տարեկան։ Դեպքի վայրում են մահացածի հարազատները։
«Սուրբ Գրիգոր Լուսավորիչ» ԲԿ-ում հետազոտություններ է իրականացնում ոստիկանությունը, իսկ ավելի վաղ աշխատանքներ են իրականացրել քրեագետները։
Թե թթվածնային կենտրոնում վերջին անգամ երբ են ստուգումներ իրականացվել հայտնի չէ։
