Իրանի անվտանգության բարձրագույն խորհրդի քարտուղար Ալի Շամհանին Իսրայելին խորհուրդ է տվել զերծ մնալ Սիրիայի տարածքում հարվածներ հասցնելուց: Այս մասին հայտնում է ՌԻԱ Նովոստին:
Իրանցի պաշտոնյայի խոսքերով, սիոնական վարչակարգը ցանկանում է Սիրիայում ճգնաժամն արմատավորել, դրա համար ուղիղ աջակցություն է ցուցաբերում ահաբեկչական կազմակերպություններին և հարվածներ է հասցնում սիրիական բանակին, որը պայքար է մղում ահաբեկիչների դեմ:
Շամհանին զգուշացրել է՝ եթե դա շարունակվի, Իսրայելը կհանդիպի հետևանքների հետ, որոնք կստիպեն զղջալ:
