Արդեն հայտնել ենք այն մասին, որ քիչ առաջ ՀՀ վարչապետ Նիկոլ Փաշինյանը միացավ Ազգային ժողովոի մոտ իր կոչով հավաքված քաղաքացիներին: Փաշինյանը հավաքվածներին ասաց, որ կարևոր գործով գնում է Բաղրամյան 26 և ավելի ուշ կմիանա հավաքվածներին:
Analitik.am-ի տեղեկություններով, վարչապետը պատրաստվում է պաշտոնանկ անել ԲՀԿ և ՀՅԴ նախարարներին:
Նշենք, որ վիճահարույց օրենքը, որը մարդկանց դուրս հանեց փողոց, ընդունվեց ՀՀԿ-ի, ՀՅԴ-ի և Ծառուկյան դաշինքի կողմ ձայներով: Ընդունված օրենքով փոփոխությունները վերաբերում են ՀՀ ԱԺ հերթական, հատուկ կամ արտահերթ նիստերի բնականոն գործունեության ապահովմանը: Փոփոխությունը վերաբերում է այն դեպքերին, երբ խոչընդոտվում է ԱԺ նիստի իրավազորության ապահովումը, որպեսզի խորհրդարանը սկսի իր աշխատանքը կամ խոչընդոտվում է պատգամավորների մասնակցությունը նիստին: Առաջարկվում է այս դեպքերում ԱԺ նիստը համարել ընդհատված, այլ ոչ թե չկայացած:
