Հոկտեմբերի 2-ին ուշ երեկոյան ՀՀ վարչապետ Նիկոլ Փաշինյանն Ազգային ժողովի մոտ տեղի ունեցած ակցիայի ժամանակ հայտարարեց ԲՀԿ-ական և ՀՅԴ-ական նախարարներին ու մարզպետներին աշխատանքից ազատելու մասին: Արդեն հայտնել ենք այն մասին, որ նախագահ Արմեն Սարգսյանը ստորագրել է նշյալ նախարարներին հեռացնելու հրամանագրերը:
Ինչ վերաբերում է մարզպետներին, ապա աշխատանքից հեռացվելու են հետևյալ պաշտոնյաները՝ Արագածոտնի մարզպետ Աշոտ Սիմոնյանը, Գեղարքունիքի մարզպետ Իշխան Սաղաթելյանը, Լոռու մարզպետ Հրանտ Մարգարյանը, Սյունիքի մարզպետ Կարեն Համբարձումյանը, Արմավիրի մարզպետ Գագիկ Միրիջանյանը և Վայոց ձորի մարզպետ Արագած Սաղաթելյանը:
