Արդեն կարող ենք արձանագրել, որ քաղաքացիական հասարակությունը քայքայված է:
Քաղաքացիական հասարակությունը հիմնված է սկզբունքների վրա, որոնցից կարևորագույններն են` չդառնալ քաղաքական կողմ և չունենալ երկակի ստանդարտներ` լինել անաչառ.
Մի քանի տիպական օրինակներ.
- ինչպես են կարող անկախ դատական համակարգի ռահվիրանները լռել ԱԱԾ-ի տնօրենի դատավորին տված հրահանգների մասին ու դա քողարկել հեռախոսային խոսակցության ձայնագրման փաստի հանդեպ վրդովմունքով: Դա հատուկ ծառայությունների թերացումն է, իսկ իրավապաշտպանների գործը իրավունքի պաշտպանությունն է, անգամ նրանց, ու կարող է ատես,
- ոնց հասկանանք ատելության խոսքի պաշտպանությունը խոսքի ազատության պաշտպանների կողմից,
- ոնց հասկանանք, որ ամբողջ կյանքը ԵԽՎՀ-ին բողոքող մարդկանց (ես էլ այդ թվում) քննադատությունը այլ մարդկանց ԵԽՎՀ պատվիրակությանը բողեքելու համար:
- Ոնց հասկանանք քաղաքական կողմնորոշում ունեցող անկախ դիտորդությանը:
Ցուցակը կարելի է երկար շարունակել:
ՀՀԿ, ՀՅԴ, ԲՀԿ, ԾԾԿ, ՃՃԿ բոլոր կուսակցական ու անկուսակցական անդամները պետք է պատժվեն իենց արածների համար միմիայն դատական կարգով ու դա առաջին հերթին մեզ է պետք, այլ ոչ թե իրենց: Պետությունները և հասարակությունները կառուցվում են սկզբունքների վրա: Կար տպավորություն, որ Հայաստանում ձևավորվել են սկզբունքների ու անաչառության վրա հիմնված հասարակական ինստիտուտներ, սակայն կայացվածությունը ստուգվում է արտակարգ իրավիճակներում: Քննությունից մենք, որքան հասկանում եմ, կտրվել ենք:
Հ.Գ. Երկու բուդդայական միաբաններ մենաստան գնալու ճամփին պետք է գետը անցնեն: Մի աղջիկ խնդրում է իրեն անցկացնել գետը: Երիտասարդ կուսակրոնը հրաժարվում է դա անել, իսկ ավելի ավագը գրկում է աղջկան ու գետը անցկացնում: Ողջ ճանապարհին երիտասարդ կուսակրոնը մտքերի մեջ խորասուզված լռում է, իսկ երբ հասնում են մենաստան, ավագ ընկերոջը հարցնում է. " մեզ արգելված է կնոջը դիպչել, ինչու դու գրկեցիր աղջկան": Ավագ ընկերը պատասխանում է. " Ես այդ աղջկան գրկեցի ու անցկացրեցի գետը և նրան թողեցի մյուս ափում, իսկ դու մինչ այժմ նրան գրկած ես պահում":
ՀՀԿ-ն ու մյուսները պարտված են ու նրանց ժամանակը անցել է, սակայն այդ ատելությունը մենք երկար ժամանակ ենք գրկած պահելու ու միմյանց փոխանցելու:
Քաղաքագետ Ստեփան Դանիելյան
